北京哪个医院治疗白癜风得好 https://baike.baidu.com/item/%E5%8C%97%E4%BA%AC%E4%B8%AD%E7%A7%91%E7%99%BD%E7%99%9C%E9%A3%8E%E5%8C%BB%E9%99%A2/9728824

点击“学上海话”了解更多精彩内容

小说《繁花》节选“梅瑞的隐私”作者：金宇澄改编：葛明铭沪语诵读：朱友好词语注释：杨张悦、张林龙礼拜天的下半日，梅瑞预备跟康总约会，头发节掐（jikkak〈名〉指甲）已经做好，着（zak穿。着读：扎、札、轧、摘、窄、只、酌、着）新丝袜，换戒指，项链，大镜子前头，横挑竖拣，再替换淡灰丝袜，脱蕾丝吊袜带，玄（沪语读：县、悬、员、园、垣、爰、圆、袁、援、湲、缘、猿、辕、远、院、媛）色低胸背心，烟灰颜色的套装，稍为（saowhe〈副〉稍微）用一眼粉饼，配上珍珠耳钉。走进“唐韵”茶室二楼，康总已经坐辣海(lakhe在那儿）等了。梅瑞解开上装纽扣，坐有坐相。康总端详讲，哎，近抢把（jinqianbo近段时间里，最近一段时间里）有了神思（shensy〈名〉精力）了，瘦了一眼。梅瑞嫣然一笑讲，我真的是吵瘦脱的，跟老公吵，跟老娘吵，啥地方有空打扮啊，来煞勿及就拖了一件衣裳，糊里糊涂就跑出来了。康总讲，老公脱小囡呢。梅瑞讲，还是住了虹口北四川路，伊面房子大，但是我搬回娘家了。康总讲，夫妻吵相骂，平常来西的。梅瑞讲，侪是因为，结婚忒匆忙了，我有特殊经历。康总勿响。梅瑞讲，讲起来，侪是圈子里向的熟人，传出去，大家勿好听。康总讲，勿要紧的，我是保险箱，听过就关门。梅瑞讲，我老底仔（laodizy〈名〉过去，从前），跟两个老熟人谈过朋友，一是个沪生，一是个宝总。康总勿响。梅瑞讲，埃歇横里（exikwhanli当年，当时，那时候）迭个两个人，同时追我，忒有心机了，到后来我再明白，沪生呢，是蜡烛两头烧，除脱（shytek〈介／连〉除了）我，舌底翻莲花，还谈了个白萍，有迭种人。康总讲，压末（akmek〈副〉最后，末了），沪生跟白萍结婚唻。梅瑞讲，结了大半年，哼，老婆到外国去了，勿回来了，看样子，沪生有生理毛病。康总讲，葛末（gekmek〈连〉那，那么）宝总呢。梅瑞讲，讲出来忒难听唻，我怀疑迭个男人，心理有毛病，伊歇辰光（yixikshenguang那时；当时）一直跟我热络联系，跟我攀谈，我根本是勿理睬，到后来，我认真一眼了，到关键阶段了，宝总就开始装糊涂唻，怪，有迭种男人，我辣末（lakmek〈副〉最后），彻底吓了，急流勇退。康总勿响。梅瑞讲，因为心情忒推扳（tebe①〈动〉相差②〈形〉差，差劲）了，伊歇辰光有个朋友，介绍了北四川路的男人，我见面一看，衬衫领头勿清爽，还欢喜抖脚，但是伊有房子，我心里叹了一口气，也就匆忙结婚了，后首来再晓得，我每走一步路，总归是错。康总勿响。梅瑞讲，现在社会浪，我看得上眼的男人，要么是单身坏人，要么是已婚好人，尤其像我搿种已婚女人，跟男人来往，对方作兴（zokxin①〈副〉也许，可能。②〈动〉该）觉着，我大概准备调男人了，准备搞政变了，其实，就算我跟北四川路老公分手，根本也勿想再结了。康总讲，以后的事体，难讲的。梅瑞讲，新婚阶段，我基本是纯洁女青年，毫无经验，根本勿懂的，后首来觉着勿对了，每趟到夜里，也就是……，梅瑞喫了一口茶，勿响了。康总讲，一到夜里，老公就出去打牌，还是跳舞啊。梅瑞勿响。康总喫了一口茶讲，哎，我想到一只笑话，我姑妈新婚阶段，姑夫每日夜里要出门，讲是出去听书，其实是去跳舞，后首来我姑妈晓得了，想了一只好办法。备了一双白皮鞋，擦得雪雪白，让姑夫穿，假使去跳舞，鞋面浪向就有女人踏的脚印，是逃勿脱的。梅瑞笑着讲，迭个算啥呢，舞搭子可以带一双男式皮鞋呀，还有了，女人跳舞的功夫好呢，踏勿着脚的呀，还有姑父假使细心一眼呢，备一管白的皮鞋油，一把刷子呢，一眼印子也看勿出。康总笑着讲，老底仔的人，是老实。梅瑞吃一口茶讲，每趟，我一讲到要紧关头，康总就插进来当横炮，姑妈，皮鞋，跳舞，迭个是成心的。康总讲，哎，勿是，是我冷陌生头（lanmaksandhou〈副〉突然，突如其来。“陌”读音同沪语“麦”、“袜”）想到的。梅瑞讲，我真的勿好意思讲了。也勿晓得刚刚讲道啥地方了。康总提示讲，结了婚，到了夜里。梅瑞羞涩的讲，夜里嘛，是男女迭方面，出了大问题了，上海人讲，等于银洋腊枪头，软脚蟹，等于放炮仗，一响就隐了，我搿能介形容，康总就要想了，既然迭方面有问题，小囡啥地方来的，我只好老实讲了，是几个号头以后，我为男人请了一个开方医生，开了一帖药。康总讲，迭个到从来呒没听到过。梅瑞讲，一帖药，一千九百块，我男人吃了，夜里的胃口，完全吊足了，常庄还要加班，开小灶，两个礼拜，弄得我浑身蚂蚁爬，日逐（nikshok每天，天天。也作“日朝”）全鸡全鸭，七荤八素，小囡也就有了，结婚几年里向，我也只有迭个两个礼拜，真正做了一趟女人。康总勿响。梅瑞讲，后首来，医院了，手脚发冷，每天咳嗽。男人怀疑我，请的是游方江湖郎中，讲我是害人精，我觉着冤枉，女人有搿种要求，再正常勿过了，为啥只怪郎中，勿怨自家呢，唉，只怪我，婚前缺少知识，忒纯洁，婚后吃苦头唻。康总讲，老公现在呢。梅瑞讲，请了长病假，顺便照顾小囡。康总讲，迭个开方医生，后首来判了几年啊。梅瑞讲，啥。康总讲，起码十年官司上身。梅瑞讲，哪能会呢，预约挂号，根本也挂勿上唻，到处有邀请，常庄去外地巡回门诊，收了多少锦旗呀。康总讲，迭帖药，吊出男人一生一世的力道，火线上岗，突击加班，以身殉职，基本完结了。梅瑞腰身一扭讲，康总真自私。康总喫一口茶讲，?姆妈还好。梅瑞讲，我阿爸一同意离婚，姆妈就开始跟我吵唻，昨日还埋怨我，为啥急急忙忙整理箱子，打包。我讲，姆妈要到香港去了，勿准备再回上海，我来帮忙，有啥勿对呢。我姆妈就哭了。其实我也难过，哭过好几趟了。我姆妈讲，梅瑞侬想要房子，可以的，姆妈就要去香港，跟小开结婚，上海老房子，根本勿需要了。梅瑞喫了一口茶，拿出化妆镜看了看讲，我讲到现在，心里一吓，讲勿出口的事体，为啥样样会讲出来。康总勿响。梅瑞挺直腰身讲，其实呢，我跟离了婚的女人，基本浪是一样的，一个人单过，就是孤独，假使有男人对我好，勿管对方是已婚，未婚，我侪理解，我勿会拨对方添任何麻烦，两个人一有空，就可以碰头（bhangdhou①〈动〉遇见；见面。②聚首；聚会）。康总勿响。几号头以后的一个上半日，康总从无锡回到上海，司机开收音机，正辣勒播送家常谈话节目，一个女人辣勒讲自家的感情经历，声音脱梅瑞邪气像，康总回忆起一片桑田，勿近勿远一对男女，顾影翩翩，清气四缭，压末是灯烬月沉，化为快速后退的风景。迭个辰光，康总突然又想跟梅瑞聊天的欲望，虽然康太太，同样讲东讲西，态度温和，大学里就是有名的糯米团子，糯，软，甜，结婚多年，要方要圆，随意家常，但是日日（niknik天天，每天）面对糯米团子，难免味觉迟钝，碰到梅瑞，等于见识了“虾籽鲞鱼”，即便梅瑞一再谦称，是白纸一张，自有千层味道，等于“虾籽鲞鱼”迭种姑苏美食，虽然骨多肉少，不掩其瑜，层层叠叠，浑身滚遍虾籽，密密麻麻小刺，滋味复杂，像梅瑞的脾气，心机，会哭会笑，深深淡淡，表面玲珑，内里凌厉，真也是鲜咸浓香。康太太搭梅瑞，等于是苏州“黄天源”糯米双酿团，ＰＫ“采芝斋”秘制虾籽鲞鱼，乐山乐水，呒没办法取舍。康总跟梅瑞通了电话。梅瑞讲，啊呀，我刚刚想拨号码，电话就来了诺。康总讲，近抢把还好，哎，侬旁边好像老吵的吗。梅瑞讲，是呀，现在我辣勒跟中介办手续，事体老多的。康总讲，买房子啦。梅瑞讲，嗯，两室一厅。康总讲，准备做房东，还是。梅瑞讲，决定自家住。康总看看前头的司机，压低声音讲，上趟讲的事体，已经解决啦，噶咾（geklao〈连〉所以）搬场啦。梅瑞讲，就算，其实，我仍旧老样子，我讲过了，做女人，要对自家好眼，买迭间小房子，假使装修适意的，我就搬进去住。康总勿响。梅瑞讲，接下来，就是请工程队，买按摩浴缸。康总讲，嗯，蛮辛苦的。梅瑞讲，我已经想好了，现在仍旧勿便讲。康总勿响。梅瑞讲，顶（din〈副〉最）私密的事体，我告诉了一个男人，有一眼后悔。康总勿响。梅瑞曼声讲，迭个男人，样子文雅，有经验，就是以后，勿晓得还会想我，关心我。康总笑笑。梅瑞挂了电话。以后的某一日天，梅瑞打来电话，告诉康总，姆妈终于离婚了，准备立刻去香港，跟小开团聚。隔了三天，梅瑞再来电话讲，康总，我姆妈真的走了，勿可能回上海了，即使回来，基本也是住酒店，我哭了好几场。康总勿响。梅瑞讲，迭天我进房间，我姆妈讲，一个独身老女人，一条老弄堂，姆妈走进走出，已经走够了，我离开以后，梅瑞侬想换环境，做姆妈的完全同意，新闸路迭个老房间，立刻脱手，买进延安中路底层，煤卫独用，隔壁邻里少，也清静，姆妈贴眼积蓄，让梅瑞平稳过日脚（nikjik日子），心甘情愿。我埃歇辰光（exikshenguang那时；当时）听了就讲，姆妈以后回上海，也可以住。我姆妈笑笑，闷头翻箱倒柜（jhu音：巨、跪、拒、具、炬俱、惧距、飓、瞿、渠），大忙特忙，迭天清理了一大堆废品，房间里，满地大包小包，中式棉袄，织锦缎棉袄，横贡缎棉袄，灯芯绒裤子，卡其裤子，两用衫，春秋呢大衣，法兰绒短大衣，还有弄堂老裁缝做的双排纽派克大衣。康总笑着讲，哈哈，家家人家一样。梅瑞讲，我翻了一翻，还呒没开口。我姆妈就讲唻，侪是垃圾，侪掼进垃圾箱。我勿响，解开一包旧衣裳，朝阳格衬衫，泡泡纱裙子，我立刻就想到了老底仔的日节了。姆妈讲，看啥看啥，快眼掼出去。我翻一堆旧衣裳，有绒线衫，腈纶开司米三翻领。姆妈讲，要死了，侪掼进垃圾桶。我开了一只箱子，里向有勿少衬衫，两用衫，百裥裙。姆妈讲，侪掼脱、侪掼脱。康总讲，?姆妈火气也忒大了。梅瑞讲，我只好勿响，迭批裙子，是我姆妈的宝贝，埃歇横里（exikwhanli当年，当时，那时候）恢复跳舞，我姆妈积极响应，自家做跳舞裙，乔奇纱，黑丝绒，手缝亮片，嵌金银丝，现在，姆妈无情无义讲，实在忒土了，看到就是一包气（yikbaoqi一股子气），怪。有只箱子里向，摆了一套五十年的代列宁装，还有弄堂生产组辰光的背带裤，蓝布工作帽，袖套，叠得整整齐齐。我姆妈讲，勿许解开，真倒霉，真要死了，看到迭堆垃圾货，我只有恨，姆妈的好青春，统统浪费光了。我听了勿响，迭日天，只要我一翻动，姆妈就讲，统统掼出去，掼光，送居委会，捐拨乡下头穷的伊搭户荡（yidakwhudhang那地方）也好的。康总勿响。梅瑞讲，角落里向有一只大脚盆，装满老底仔的时髦鞋子，荷兰式高帮，浅口丁字，烧卖头，船鞋，横搭攀，包括几双跳舞皮鞋，我看到了，马上想到老底仔，想到我慢慢叫长大，想到姆妈慢慢叫变老。叫啥我姆妈踢了一记脚盆讲，有啥用呢，断命的社会，吓人的社会，埃歇横里（exikwhanli当年，当时，那时候），我简直跟瘪三完全一样。我勿响，一只樟木箱里向，侪是旗袍，每一件，腰身绝细，样式侪勿一样，我讲，旗袍我要的。我件件侪欢喜。我姆妈讲，根本勿能穿，要了做啥呢。我讲，做个纪念。我翻开另外一叠料作，里向老介福的，富丽绸布店的料作，有真丝，雪纺，轧别丁，舍味呢，直贡缎，斜纹呢。看到搿眼料作，想想过去的布店，真的是闹猛（naoman〈形〉热闹，喧闹，场面火爆），店里侪是人，上头（shangdhou〈名〉上，上面）拉几道铁丝，开了票，钞票夹上去，唦的一记，滑过铁丝，滑到账台浪向，敲了图章，唦一记，再送回来，高凳子高头坐了一个老伯伯，从早叫到夜，顾客同志们，当心贼骨头，皮夹子拿拿好，当心三只手。康总笑笑。梅瑞讲，我姆妈一听到就讲唻，好了好了，少讲讲少讲讲，迭眼料作，梅瑞如果（shygu读音同上海话：茨菇、词果、时果、磁鼓）再婚，倒可以定做旗袍，可以派用场的。我讲，我哪能会再结婚呢。康总讲，迭个蛮难讲的。梅瑞讲，肯定的，我姆妈看了看讲，西式料作做旗袍，旧社会顶时髦，现在的旗袍，怪，侪是中式大花头，乡巴子，一副穷相，乡下女人，饭店拉门女人打扮，身浪向勿是牡丹花，就是红梅花，以为着旗袍，就是金龙金凤，就是浑身包紧，裹紧，连胖子也要包，要裹，等于做了“酱油扎肉”，“湖州肉粽”，老上海人看到，要笑煞脱的。我勿响。我姆妈讲，必过，老实讲，现在迭个市面呢，跟解放之前，也差勿多了，作兴西式料作又行俏了，反正，迭个房间里向，姆妈是一样也勿想再看到了，侪可以结束了。我勿响，我问姆妈，侬到了香港，总归要回上海看看。我姆妈讲，一般是勿回来了，房子，票子，身外之物，姆妈只要感情，梅瑞如果离了婚，就告诉我，好。我听了，就哭出声音来了。我姆妈讲，乖囡，女人只看重感情，稳靠一个好男人，就定心了。我埃歇辰光（exikshenguang那时；当时）一声勿响，揩眼泪。我姆妈讲，到了香港，假使寻到香港好女婿，梅瑞就到来香港来结婚，好，开开心心过日脚。我讲，姆妈，我勿考虑再结婚了，我已经彻底结伤脱了，我看穿来。康总勿响。

小说《繁花》节选“阿婆的梦”作者：金宇澄改编：葛明铭沪语诵读：朱友好词语注释：杨张悦、张林龙

小说《繁花》节选“买花”作者：金宇澄改编：葛明铭沪语诵读：朱友好词语注释：杨张悦、张林龙

小说《繁花》节选“弄堂里个桃色事件”作者：金宇澄改编：葛明铭沪语诵读：朱友好词语注释：杨张悦、张林龙小说《繁花》节选“集邮”作者：金宇澄改编：葛明铭沪语诵读：朱友好词语注释：杨张悦、张林龙

小说《繁花》节选“旧朋新友至真园”作者：金宇澄改编：葛明铭沪语诵读：朱友好词语注释：杨张悦、张林龙

小说《繁花》节选“苏州河边”作者：金宇澄改编：葛明铭播讲：朱友好词语注释：杨张悦、张林龙小说《繁花》节选“梅瑞和伊的风流姆妈”作者：金宇澄改编：葛明铭播讲：朱友好词语注释：杨张悦、张林龙小说《繁花》节选“沪生上民办小学”作者：金宇澄改编：葛明铭沪语诵读：朱友好词语注释：杨张悦、张林龙小说《繁花》节选“蓓蒂和绍兴阿婆”作者：金宇澄改编：葛明铭沪语诵读：朱友好词语注释：杨张悦、张林龙

小说《繁花》节选艰难日节和小毛的弄堂生活作者：金宇澄改编：葛明铭沪语播讲：朱友好注释：杨张悦、张林龙

小说《繁花》节选“情海起波澜”作者：金宇澄改编：葛明铭沪语诵读：朱友好词语注释：杨张悦、张林龙

小说《繁花》节选“惊魂咖啡馆”作者：金宇澄沪语诵读：朱友好

《繁花》引子（完整版）作者：金宇澄选自：《繁花》沪语朗读：与人为善

凡本



转载请注明地址:http://www.lanbuzhenga.com/lbzjb/15236.html