北京治青春痘医院 http://news.39.net/bjzkhbzy/210620/9084445.html
题记.双一唱山歌五十双，汝来对时娃就搒。有调有腔又有板，松口玉水合梅江。宗旨与梅寒石诗友，驳山歌条。宗两些行往情系长，来到松口山歌乡。娃先起头汝来驳，擸阿歌矣擸阿腔。梅愿到山歌拂就难，那管天阴还系晴。娃唱山歌汝来驳，毋晓驳时汝就听。宗个隻地球浮阿沉，几多星矣做吾邻。两些愿到无戛殺，一唱山歌会吓人。梅枝枝把把会撩人，毋知花矣假阿真。身上黏到滴香味，同汝讲客正精神。宗生枝生把毋碍人，天生天养性情真。行路毋好毋带眼，玫瑰有簕爱留神。梅有宗有旨做赢人，抢快治鸡抢快蒸。招呼人客尝阿甚，比过祈福当还神。宗有家有教后生人。甜粄发粄樵火蒸。灶头镬尾舞撩丽，爬上跌落爱老神。梅饪粄莫敬学老神，渠毋识货头会晕。大埔婿郎有宗旨，食欸饪粄正出门。宗知汝无去假斯文，食饱嬲够正出门。丈婆屋夏掇瓮酒，日日食去醉醺醺。梅娘酒食去醉醺醺，紧看歌本毋丁分。诗词山歌有平仄，吾觜擘开正落文。宗吾觜擘开正落文，冷爱炖滚烧爱歕。老牛到草慢慢噍，千祈毋好合硬吞。梅千祈毋好合硬吞，汝会煮时毋晓煴。鸭矣熟时觜还硬，看若食相娃系夋。宗看若食相娃系夋。满门食客孟尝君。前提也爱厨艺好，生治生剐恁般吞？梅鱼生蘸辣打生吞，包荬爱生恁使煴。做得厨来无觜码，人客食去醉醺醺。宗人客食去醉醺醺。四四六六拳尽抡。无灵无性无分寸，四羸笔直鬼一群。梅四羸笔直鬼一群，牛头尽搒理毋申。马面看到会着吓，渠等那得转人身。宗渠等那得转人身，捉下地狱去受刑。毋怕捉等还尽拚，也毋饶让做人情。梅也毋饶让做人情，渠等算竖娃算横。打阿露水系过赢，花蕾紧毕蜂紧萦。宗花蕾紧毕蜂紧萦，娃去看花叠叠行。百样花矣那都迣，曼爱来看都欢迎。梅雷公庆贡异大声，等等落水天骨晴。娃出门去看花矣，毋知后背那隻殄。宗毋知后背那隻殄，先生后背有娃等。共下来讲阿姆话，老古言语紧去层。梅同隻祠堂同隻门，同声同气一条根。阿母话来讲华夏，祖公音时系正音。宗祖公音时系正音，中原个脈娃会寻。风俗无改交头裤，士林蓝布做大襟。梅出力犁田就爱深，种到谷来就系金。糯米有多好釀酒，炙过火来甜到心。宗炙过火来甜到心，逢年过节正有斟。八月十五月光下，兄弟梓叔醉弹琴。梅兄弟梓叔醉弹琴，过好讲古懒讲今。讲来讲去到六月，榕树头下凉又荫。宗榕树头下凉又荫，老嫩大细一堆人。叔公神气讲三国，叔婆唠叨念本经。梅教毕子来又教孙：做事统爱有精神，睡醒目来正出门，那矣都爱做赢人。宗那矣都爱做赢人，扛揩攞勒去打拚。拿欸起来放欸下，男人百艺好随身。梅一听膨话会脱神，吾觜擘开就讲真。老腔溜滑又有调，歌词讲义又讲因。宗歌词讲义又讲因，来龙去脈讲分明。水督石灰就来化，听精学晓正质灵。梅都话汝时异质灵，一教就会系晓听。听声听音就知义，写得诗来又写名。宗写得诗来又写名，唱渠又过受欢迎。有板有眼有气脈，敢上歌棚敢大声。梅细声细气讲事情，大事细事做得成。罢罢山歌驳赢人，千诗打底明打明。宗千诗打底明打明，两丈飞砣还紧奋。有打无打汝看甚，拳头一纳会吓人。梅大家知汝异分明，下下笑面对亲人。行路撞到隻恶鬼，眉毛一睨渠着惊。宗眉毛一睨渠着惊，连退三步跌落坑。恶人自有恶人治，尽渠屎出面刷青。梅渠打横来娃过横，一踢石鼓并搒声。莫话吾脚毋影迹，世间个路那条平。宗世间个路那条平，任埝適泽争毋争。个罢行路揹到脚，自愐自解毋敢声。梅敢上歌棚敢放声，曼管落水还系晴。吾个歌矣十分俗，人爱人传鬼画成。宗人爱人传鬼画成，藤缠大树紧去萦。往往大树影死草，草逢春阳自家青。梅草逢春阳自家青，麻爱成索就去萦。条条山歌节驳节，节节都讲客家人。宗节节都讲客家人，搭郎搭妹正无停。唱等山歌行大路，唱出梅城到北京。梅阿母话来正过亲，听声知汝自家人。知汝会写又会唱，知汝一唱就无停。宗知汝一唱就无停，大家都系自家人。老歌唱出老味道，新词唱老还唱新。梅老词看阿真毋真，隻隻字都还总新。莫笑吾声忒差斗，一唱老词河定清。宗一唱老词河定清，知得客音正系真。用渠唱歌系讲究，同声同气讲同仁。梅讲就容易做就难，写毋够时唱兜添。今晡一唱又断暗，细鬼学晓心正甘。宗细鬼学晓心正甘，捉手捉脚教再三。蛮古毋听娃发火，话都毋听心骨淡。梅铅笔爱鞞头正尖，茶叶爱多茶正酽。莫惊完夜落大水，日头一出天伽蓝。宗下夜雨停天伽蓝，抢快颃床着好衫。早起三朝当一工，井水先揩一两担。梅出去揩水当参禅，大缸甿坌揩兜添。会揩那惊路毋平，两桶没满毋会炎。宗两桶没满毋会炎，会转肩头脚会探。三十六行各本事，同行莫比曼过赢。梅行过万里鞋脱踭，食得辣来食得咸。梦矣听到阿母话，穿州过县转梅城。宗穿州过县转梅城，归家食饭荬都靓。桂树有花老弟看，砚田无税子孙耕。梅爱畜蚕矣叶爱青，畜大蚕矣丝正耕。蚕矣打团紧去萦，点阿有得三两担。宗点阿有得三两担，抢快煮水缫尿減。搒到兜丝织绸布，身上着等有得淹。梅囤过个茶正会酽，三两隻字莫去争。半昼出门还度恬，行毕一路觜还甘。宗还话一路觜还甘，自家食茶食阿淡。娃个放等老曼娥，毋知汝阿嫌毋嫌。梅个茶系酽还系淡？毋问娃都食兜添。知汝用欸系井水，就系食水都过甜。宗就系食水都过甜，个娃出去揩兜添。讲真讲假话食水，毋好使到娃难堪。梅知得若酒香答甜，个隻鸡僆也毋轻。自家去舀碗正满，鸡矣煮酒爱汝监？宗鸡矣煮酒娃毋监，食欸还爱舀兜添。毋饱还有青莱饭，毋知汝食淡阿咸。梅食得苦来食得甜，食得淡来食得咸。今晡做事出欸汗，娃爱添粥劳火盐。宗汝爱添粥劳火盐，毋合口味爱包涵。安晓保养娃度服，汝会长命须冉冉。梅想食茶来放毋恬，爱食香头又爱酽。别人惊烧娃怕冷，烧烧历滚香答甜。宗烧烧历滚香答甜，食落肚去正过岩。有人生隻百揽肚，大叉横挾十分贪。梅腌菜爱香爱兜盐，蔗渣紧噍都还甜。今晡两些打斗聚，猪肝帮酒那有嫌。宗猪肝帮酒系无嫌，紧噍紧展味系甘。年尾猪肝拿来腊，袜底味道十分靓。梅那条鱼矣毋会腥，食渠话香又话甜。那件事情毋会难，做到须白腰又拑。宗做到须白腰又拑，紧僜紧矮头懒探。老欸一日争一日，口涟淌定尿都減。梅一包针时针异尖，动到渠时渠会黏。汝唱山歌娃就驳，莫话吾欸半咸淡。宗毋敢话若半咸淡，人来娃去尖对尖。五隻手指有长短，有用无用莫去争。梅肉爱耐食爱腌盐，茶爱浓来酒爱淡。娃拿牛筋来做弦，朝晨暗晡尽汝弹。宗朝晨暗晡尽汝弹，高山流水再遇难。想学陶翁学毋到，学到子期琴一拌。梅看毕书来正去耕，晓唱山歌就毋难。溜等山歌去做事，几时毋系一二三。宗几时毋系一二三，半夜娃还头探探。放心毋下客家话，申脚尽在乌蝇萦。梅青菜都爱挟兜添，几时嫌过鱼矣腥。人讲排场汝毋晓，那会同鬼共下韱。宗那会同鬼共下韱，到底恶鬼畏姓阎。汝走汝个阳光道，莫管渠住老神龛。梅神婆做鬼紧摇铃，和尚无话就讲禅。甿知先生象那隻，讲得禅来解得签。宗讲得禅来解得签，人无那去就上庵。仙姑母等会化解，娃屙堆屎分渠掩。梅搒长耳公仔细听，吓人个话曼正惊。讲神讲鬼汝过会，娃食酽茶过三更。宗娃食酽茶过三更，睡目毋得眼盯盯。个罢正知打茶醉，爬床也席头尽定。梅死食死撑莫去声，常时食水都爱淡。半斤老茶一夜食，问汝酽无汝答甘。宗问汝酽无汝答甘，茶味赢过白毛尖。吾乡下个尖石笔，千年灵气毋会淡。梅大包掂来还磅轻，吮阿手指都晓甜。送都送欸莫争在，分多两斤成毋成。宗分多两斤成毋成，独树年产正斤零。今年矣滴先拿去，清明娃去摘兜添。梅若茶真真会转甘，若觜会讲又过甜。一阵蜂矣趜一路，入屋渠等还紧萦。宗入屋渠等还紧萦，娃会同渠看吾庭。嫌吾庭下毋够阔，晒棚顶高搭隻棚。梅蜂矣跈娃跈上棚，尽汝做窦还系萦。反正一屋有香味，滚水一食都晓甜。宗滚水一食都晓甜，欢迎汝等会有声。娃唱山歌就来接，茅寮陋舍爱包涵。梅愐来愐去睡毋成，汝唱山歌得人惊。促人笑个阿母话，教人做事一二三。宗教人做事一二三，拖泥带水会人嫌。家头教尾舞撩丽，箩叉?转穷变恬。梅倒条苗竹做门帘，门帘爱耐就留青。青皮变黄还系韧，百枝竹蓁横打横。宗百条竹蓁横打横，莫再漏出太后声。蛇哥嚙过怕井索，正庭就怕看挽帘。梅平放身矣还系横，去见阎王还使惊。汝会吓人娃讲客，侪些欢喜讲滴添。宗侪些欢喜讲滴添，遇倒鬼时娃敢凌。游过大河同大海，死佬骨头都敢拈。梅还会叨叨就还生，有气就会讲兜添。撞到伯公喊侧神，晓讲毋使斗大声。宗晓讲毋使斗大声，金玉良言娃先领。

山歌唱到九十九，

娃端酒来敬先生。梅朝晨看到天伽蓝，荔果红来叶沁青。汝话撩丽毋撩丽，娃牵爱人定梅城。

-原创作品-

客家文化系列文章：

汝话撩丽毋撩丽端午安康客家谣-版古邑行梅县山歌（三）唱和潮汕食在客家金秋.逢秋何时再见老友记登西岩山梅县山歌（上）梅县山歌（下）六月天光转妹家年三十转屋夸（音频版）客家之子系列（一）客家之子系列（二）客家之子系列（三）东中组诗新编客家童谣阴那山nbsp;.nbsp;缘

元玄真意竟为空，

言作虚名清语风。

金石行行资印信，

心生欢喜万花同。

元言金伴你开启全新关系的旅程，助你收获生命成长的礼物，与你一起探索心世界。


转载请注明地址:http://www.lanbuzhenga.com/lbzfb/18299.html